sábado, 6 de noviembre de 2010

CHE

Ko´ápe ha ko´ãga
Che
Amyakỹmbaite

Memékuri aĩ akue
Ndaikatúi
Aime´ỹ

Mayma renda remimo´ãme
Mayma ára oĩmévape
Aime

Che ngo sẽ´ỹ añete
Aĩmemba
Opa rupi

Pe andu
“Che”
Otytyijoa

Ohykuavo
Ojehe´a
Kirirĩetéicha

Ysyry omimbipáva
Pohã otyjuipáva
Aikuaa rupi
Che apyra´ỹme
Ndaipóri
Mba´erã

Che reheguánte
Ndaikatúi
Opa

Osãimbareímante asajepytépe
Ãngapy ojajáiva
Ndopytamo´ãi

Ta´anga henyhẽmba
Opa rupi oĩva
Che sarakirãnte

He´ẽ he´ẽva
Potykurúicha
Oipe´a pe´ávo

Oĩhaguã hetaite
Oiméva isãietéva
Che purahéigui

Ha ndachejuhumo´ái
Aĩ jepe
Arapy áripe

Péva ko
Ikarapeterei
Cheve guãrã

Arapy ári
Ára
Mboyve

Aĩme aikóni
Ajapo yvy ha yvagakuéra
Hesapeasy véicha

Ha che ngo aĩmejoa
Añete
Upérupi

Che rekáramo
Výro
Naikotevẽi

Mávapa ohekáta
Mávape?
Chénte ningo!

Eñandúnte
Che
Aĩmeha

Ha upéva avei
Naikotevẽi
Hasýanga mo´ã

Evy´ánte
Che ndive
Ñaimevo marãvẽ´ỹ hápe

Ovyvyimeméva
Henyhẽtéva
Oĩnte upépe

Tee
Añete
Pa

Che aiko araka´eve
Hetave´ỹ
Mbovy´ỹ

Henyhẽmeme che angapy
Ysatĩcha
Opytava

Opaha peve
Che pota rupi
Che ajapopa

Ha ndaha´éi
Tembipotarei
Vy´a pave haguãnte

Oĩ´ỹhávo
Aimékatu
Pyahureipa

Che apyra´ỹha ngo noñemboja´ói
Ko´ápe ha ko´ãgante oĩva
Ha noñembuesa´íri

Che aĩme ko´ãga
Meme
Ko´ãngaite

Ha avave nache
Momarandu
Iri

Ko´ãngante
Rupi
Ahechavo

Che ha´e pe ohecháva
Ha pe jahecháva
Ha tembihecha

Chénte
Opárupi
Chete, aete ha potĩ´ãite

Itaendy potĩete
Omimbiasýva
Omboikomeméva

Mombyry aĩme
Ñe´ẽreígui
Ndorekóiva che ra´anga

Ñe´ẽnguéra ngo
Ndaikatumo´ãi
Che guereko

Chénte che reko
Chénte ningo
Chéntema

Teraykegua kuéra
Oñekytĩmba
Apytu´ũme

Pupyeta uvei
Ojejokóva
Ko yvy ápe ári

Ha ñandurei
Ñe´ã gua´úme
Hapypámante va´erã

Che che añónte ahecha
Kóicha che
Mba´eguasuha

Che rováre
Ipotypa
Yvaga sái

Che apyra´ỹháme
Yvotýicha
Ateñói

Akakuaánte
Marave´ỹha
Guive

Amguejy
Piguymi
Che apyra´ỹme

Pya´eterei
Ahávo
Pya´eve tendýgui

Ha ajokareipa
Che py´a
Oikohaguã tekove

Ha´ekuéra oĩ
Che pa´ũme
Che angapýpe

Ha upépente
Che
Amba´apo

Tesape
Osyrýva
Che py´águi

Che sarakimínte
Vy´a pave
Haguã

Arapyteeta
Osãijoáva
Yvyráicha

Ha arysua oky
Oñehẽmba
Mbyjamýi kuérape

Apyra´ỹ roguekuéra
Ovevepa katu
Angapy rendy ndive

Vy´a pave
Guarã ningo
Opa mba´e

Ha marã piko
Mba´upe tiko
Mba´érenga´u

Okañýanga
Pe porandu kuéra
Apáy jave

Ko´ýte arapyte
Che mo mba´eguasu
Tyãkuã porãitéicha

Apukasoróvo
Amokõmbaite
Temimara´ỹ

Che pehengue kuéra
Chévente
Che ma´e

Ojahúvo
Y otyjuipáva
Vy´a pavegui

Ndaipóri mba´e
Che aime
´ỹha

Aĩ´ỹro che
Ndaikatumo´ãi


Rekove tyky
Opáguio ndive
Ateñói

Mba´eve ndaipóri
Ndache guerekóiva
Che angapy pevénte oĩ

Tekove
Oĩmante arã
Che poguýpe

Apyra´ỹha ngo

Che pyguýpe

Araka´eveha katu
Che
Repoti rangue

Mba´éicha tiko che
Ajechaukáta
Chéve?

Výro!
Aimẽ mboyve jepe
Va´erã

Sapy´a py´a amohesakã
Ava
Ajapipa hese tatapỹire

Che pehenguekuéra
Ogueromokõ mandi hikuái
Che mo mba´eguasu haguã

Araka´eve ra´anga kuéra
Che purahéi ohendu rupi
Oveve arapyteeta ndive

Temimbosarai´ínte ko
Aytahaguã
Che pype

Yvate ári aime
Ha yguy mbytépe
Ta´anga´ỹme

Kirirĩ osyrýva
Hapykuéri aime
Angapy rape tee!

Añete
Che tuicha
Ko´ãngaite

Ha ndopamo´ái
Che rape che rasa, che reja
Che juhu, che mboja

Che vy´a
Yrembe´ype
Ahecháramo che angapy

Okakuaaitéma piko!
Ha ijyvatevejoa
Che py´a hyepýpe

Che angapy ko
Oimemba pyre rupi
Ojoaju che rekove

Che aje hykuavo hína
Ambue ryrukuérape
Mayma mba´e ko che

Heta hetávo sa´y
Ipyahu ipyahuvévo
Ojoa ojoavévo

Che rendy
Ohesape
Opa peve

Che aénte oĩ
Umi mba´e
Che rembipota guigua

Ikatu ambosoro avei
Oĩmbaite
Che poguýpe

Tembipota ko
Mba´e´ive
Che hegui

Mayma yvy ku´i
Ko yvy ári
Imbapaite che pype

Yvaga avei
Yvy marãve´ỹndive
Hákatu che, mba´eve naikotevẽi

Che ae
Opa oĩ
Py´aguapy

Che py´a ko
Añete
Ipyahu gueteri

Che py´apýpe
Aguata
Ha ndatopái tuju

Avevévo
Hetaite mbyja mbytépe
Aheja arapy guigua che pirekuépe

Ára ha arapy
Ikarapeve che py
Gui, che purahéi aja aity

Okapupaite
Che aetégui
Apyra´ỹ oĩva ko´ãnga

Ndaipóri ára ambue
Che pytúnte oĩva
Ko´ãnga

Ku ãnga
Oteñói araka´evépe
Henyhẽ meméva

Meme opáy, meme oguatárupi
Roryetereíma
Che aja ramo

Heta areko
Pehengue
Ojapoukáva arapyteeta

Che pypénte ko´ã
Ikatu oĩ
Aimejoa arapýpe

Arysua otyky
Tyky
Ko´ãngaite

Che
Ha´e
Opa mba´e

Ta´anga ári
Yvateve ñe´ẽgui
Potĩ´ãite

Ko´ápe
Ha ko´ãngaite
Aĩmbaite

Marandu´ỹ
Kuaa´ỹ
Apyra´ỹ

Ipotypa
Ohesapepa
Che angapy

Oipe´a pe´a
Che kuru kuéra
Apyra´ỹme

Aĩme opa mba´épe
Amyakỹmba opa oĩva
Ambojeroky umíva

Añete
Che aime
Hína!

Che´ỹrõ ngo
Ojokapotaitéma
Sarambíguicha

à oiko upérupi
Póra´i ha umíva
Kirirĩhápe oipota che angapy

Ho´aparei katu
Ojekarei joapa ko´ãva
Che pyguýpe

Ndaikatumo´ãi
Oiko hikuái
Javy´ỹva

Oikeséramo
Araka´evépe
Omanómante arã

Ha upérupi omimbíta
Y guasúicha
Iporãitéva

Che angapy!
Resapeterei ko!
Oikove tekovégui

Ndapamo´ãi
Asãietévo
Ndakakuaái

Hákatu akakuaávo
Opa rupiete peve
Asãi´ỹ

Tuicha térã michĩ
Nda hechái
Na mañái

Naikotevẽi
Ama´ehatã
Aimerupi angapy ári

Memékuri
Che aĩ
Amokõvo temiaraka´eve

Apyra´ỹ
Hembyparei
Nandi ha sãso

Arekóva opárupi
Che py´áre
Ajapoukávo arapyteeta!

Oñehẽmbareijoa
Andu ha sa´ýre
Hapykuéri

Aimévo
Yvateve
Temimo´ãgui

Ha aha
Arapy oĩ´ỹva
Ha upépe apyta

Hákatu ndaiméi
Ko´ápe térã upépe
Aĩ mboyve mbyja kuéra ha arapýgui

Añete che sãsoha
Mombyry guive umi sãso purahéi aipóva gui
Amimbi che año tupãĩpe

Ndaha´arõi mba´evégui
Aime katu, araka´eve
Ko´apete ha ko´ãngapa niko che

Nda juhumo´ãi gueteri
Mba´e ave
Che joguaha

Yvága ra´anga kuéragui
Térã
Yvypóra kuéragui

Oiméne ngo
Yvytimbóntema voi
Ha upepete omano

Tendy isãiva
Mbyjaty kuéra ndive
Avei tanimbu

Ha pupyeta
Oñapytíva temiaraka´evére
Niko mba´erei chéve

Pe apyra´ỹ ha araka´eve
Ngo ñe´ẽ nandímante cheve
Aime rupi yvatetevéanga ko´ãva gui

Che ko mburuvicha guasu
Ha´úvo heterei marãve´ỹ
Hẽ´ẽtéva

Che py´aguapy imbaretéva
Ñemiháme aiméva
Che py´apyta rasa

Che pu´akaiterei piko!
Apytáne kirirĩ rupi
Temiaraka´eve osarambiparei

Andu osyrýva
Tembipota hakuetévape
O mba soro paite

Pupyeta ombo´ýva
Ha otatatináva
Arapyteeta

Amañavy
Ko´ãva
Ha ni nañandúi

Tove to kapupa
Okapúramõ
Nda che py´apy mo´ãi

Angapy ningo
Okakuaave ohóvo
Oipyte ko´ã eíra

Itaju okapu hẽ´ẽtéva
Ombotypaite
Che rembipota

Che pyguýpe mbyjamýi
Ojekaparei, omymýi
Che pytúpe, otytýi

Aha mombyry guive
Apytu´ũ ra´ã
Térã jerovia ru´ã

Che guigua ngo ko´ã!
Che ae
Che ave

Che niko tory
Marangatuhára
Ñe´ãme

Pochy ha ñembyahýi
Yvypóra
Rãime

Tembipotarei
Ñe´ãme orekóva
Heta angaipa

Py´aguapy ñorãirõgui!
Tesãi mba´asygui!
Poriahuvereko jukahára pópe!

Marãve´ỹ
Yvatéva
Opukavývo aranduhára jurúre

Ha akapu meme
Hetaiterei ra´anga
Rasy´ỹ

Mba´eve ndojehúi che apytépe
Aheja katu ko arapyte ojeroky
Oiméva gua´u tembireka jepe

Ñe´ẽ itujupáva
Oimo´ãseterei
Che mba´e guasu

Amimbipiguy jepi
Amyendy katu
Tekove

Araka´eve guive
Niko aime
Ko´ápe

Apyta mbarete
Añandu roryete
Che py´a guapyete

Che potypa meme
Porãite tatarendýicha
Apyra´ỹme

Yvoty resape ho´áva
Yvatégotyo
Che pyguýgui yvága

Temiporã ha tembivai
Oñehundi
Che angapy kuarahy guýpe

Tekove ha mano
Oiméne
Oñyñýi

Ára ha araka´eve
Mba´erei
Itujupáva

Añemombo
Yvykua ipyetéva
Toryasy guigua

Avava temiryrýi vy´áre
Yvága resape
Ári

Aikove tekove araka´evégui
Che rory joavo
Henyhẽ marangatu

Che ha´e opa oĩva!
Maymáva niko che!
Añete ave, peteĩnte oĩ!

Y guasuvévaicha aĩ hína
Ha tembisysýi ojeroky
Che py´ápe

Opa tesa´i´ỹ
Ha che angapy pehengue´i
Che resape

Yvytu oipeju
Che ryepýpe
Yvyryrýi ojehu che apytépe

Morotĩ satĩetéva
Tuju´ỹme
Aĩ meme

Javy´ỹ renda
Yvy
Marãve´ỹ

Hyãkua hetéva
Hẽ´ẽterei
Joa

Apyra´ỹ rapégui
Añani
Oipe´a pe´a meméva…!

Aike haguã
Che ryepýpe
Che ae

Javy´ỹme
Py´a pytágui
Aime

Péva
Che
Hína

Ñepyrũ
Ñepyrũ´ỹme
Oñepyrũva ko´ãnga

Opa
Opa´ỹme
Opáva hína ko´ãnga

Ajeroky
Ára ha arapy tyjúi kuéragui
Oka

Ajopy hatã ára
Amyengoviavo
Temiko´ãnga gui

Peteĩ
Nte
Che

Pyharépe
Ahesape arandu
Ko´ẽju gui

Manópe
Ajapouka tekove
Mive

Ke jave
Apáy meme
Nañenói

Apytáramo
Amondo joa
Heta yvyty rendy ipya´etéva

Hesa´i´ỹ guýpe
Asysýi
Mbyjaty ndive ave

Che aguyjetéva piko
Ko poriahuvereko gui
Ha´ete asaje ysapy

A mo mba´e guasu
Che jehe
Hyãkuã porãite mbytépe

Ha che mba´e michĩve
Ahávo
Añetépe

Heta oĩ che mo mba´e guasuha
Ohupytýva
Mba´e guasu

Che niko
Pe mba´e
Guasuetéva

Heta che
Mo mba´e michĩ
Jepe

Ñai mo´ã
Ateñói akue
Temimo´ãpe

Iporãitéva
Yvoty ovevéva
Yvytu ndive

Che ko ahecha paite
Pe temitecha ohechávo
Ave

Ha aime
Temimombyry ru´ãme
Ko´apete

Henyhẽmbaite
Che rembikuaa
Araka´eve omimbipa!

Tyjúi
Ohesapéva
Apyra´ỹme

Amoite mombyry
Ko´apete
Ko´ãngapa

Araieta okakuaávo
Sa´ýme osãiva
Che mbo py´aguapyete

Kirirĩ omondóva
Purahéi
Resapepusãti

Che resaguýpe
Hẽ´ẽ hẽ´ẽva
Arapyteeta ojeroky

Aipóva opurahéi
Che rembipota
Hupytypámi

Arysuaeta
Orekóva isái
Rory joa guigua

Vy´apave ho´u
Mba´embyasy
Mbyjamýi

Tovasy yvyty
Ha pirevai
Pygua

Vy´a pave
Niko araka´eveha
Osãi

Araka´eve
Ojoa joaju
Araka´eve gui

Aveve ahávo
Che angapýpe
Arapy gotyo

Aguero maña che jehe
Py´ajoja
Kua gui

Oiméne
Oĩraka´e
Heta arapyte

Peteĩ teĩ tyky
Ombyryijoávo
Che tupãĩ angapy

A mboikove sapy´a
Mbyjaty ha yvyku´i
Tupã ha yvypóra

Yvytimbo
Oĩreíva
Nandípe

Che mbo
Kaiguete piko
Ko´ã yty

Hangue kue
Aityvyróne
Hína

Che temiaraka´eve ipotypávo
Omosãiete temimaña
Ha otyky tyky hína che tupãrandu

Ajupi
Temiesakã yvyty
Satĩ

Che ko
Temimo´ã otyjúiva
Sãi opa´ỹ

Ndaikatúi
Aime´ỹ
Mayma rendápe

Che akãme
Arekomi katu
Opa arysua

Ára
Oñembosarái
Che pa´ũme

Che mondýi nunga
Ko jeroky marangatu
Ipẽ´ỹva

Ha aveve
Rendápe aĩha meme
Kuri

Ára ári
Aha´arõ
Ha nda che mondýi mba´eve

Okapupa arapyte
Omokõ opa mba´e
Okororõvaipa
Potarei ho´apa
Opararã
Ha oñehundi

Ko arapyte ngo
Vyrésa
Memete

Pota´ỹháme
Agueru che pyguýpe
Opa oĩva

Ñeha´ã´ỹme
Ajapopa
Opa oĩva

Pupy´ỹme
Aguero ku´e
Opa oĩva

Henyhẽte
Añohẽmi
Tesakã resape

Japo´ỹme
Ajapo
Paite

Heka´ỹme
Atopa che jehe
Maymáva

Maña´ỹme
Ajuhu paite che jehe
Tupãĩre

Che
Ko
Mayma

Che
Mante
Che!

Atyjúivo
Tesape araka´eve
Angapy ohatatináva ko´ẽjume

Hesapepa tyjúi
Ko´ẽju angapýpe
Ohatatina araka´evépe

Che angapy ohatatina
Tesape otyjúiva
Ko´ẽjuicha araka´eve

Tyjúi kuéra oiko araka´evépe
Angapy tatatina hesapéva
Ko´ẽjúme

Temiaraka´eve ohatatináva
Angapy resape
Ko´ẽju apytépe

Angapy otyjúiva
Araka´eve tatatina
Ko´ẽjúicha ohesape

Tyjúi ohesape araka´eve
Ko´ẽju angapýpe
Ohatatináva

Tatatina angapýicha araka´eve
Hesapeparei
Hi´ã ko´ẽju otyjúiva

Hi´ã
Ndopa mo´ãi
Ko´ãva

Osãi ohóvo
Ha oikéne araka´eve
Apyra´ỹme

Omimbiparei
Temimo´ã
Ipyahuetéva

Pupy ysyry
Oñenohẽ
Opa rupi

Ajejapipa
Ára itágui
Ko´ãnga

Aguapývo
Che apyka guasúpe
Tupãrandu!

Che aje heka
Che jupe
Akakuaávo ára opaha meve

Che apyka guasu oĩ che pa´ũme
Mombyry rasa
Che apytépe

Apupu araka´eve
Henyhẽte ysyry
Angapy marangatu

Tendysyry osyrývo
Heterei opurahéi
Mba´e guasu resape rasa

Aime
Araka´eve
Che pype

Che apyka guasu ko
Temiaraka´eve rehegua
Che memete

Che pehengue kuéra
Oytase che angapýpe
Oikese marãve´ỹha mbytépe

Ndaikatumo´ãi che recha
Upévare ahecha
Upévarehe che

Ndaikatumo´ãi che rendu
Upévare ahendu
Upévarehe che

Ndaikatumo´ãi che pupy
Upévare che
Upévarehe che!

Temimandu´a ha temimo´ã ojohapy
Peteĩ añeteguýpe:
Mayma apupy, che

Oĩramo tembipota
Oĩmeraẽ mante va´erã
Ta´anga

Piko tuichaite
Pe apyra´ỹ resape
Yvytúgui oipejuve

Apyra´ỹme okakuaáva
Yvatete omimbipáva
Peteĩ ahy´ónte osapukáiva

Pe añete
“Chénte aĩ”
Ombokapu opa mba´e oĩva

Angapy kyse raimbete
Ári
Aime

Temiañete
Ári
Ave

Peteĩháre
Aime mbarete
Peteĩ teĩ resa´i´ỹme

Mbyjatyeta omymýiva
Che retymáre
Che mbo hu´u

Temimo´ã oteñóiva
Arapyte
Tembihasaha

Marãve ndoikói
Ha´ekuéra omanombarei
Che mo mba´e guasu haguãnte

Ndaipóri ngo
Mba´eve
Mayma niko chénte

Javy´ỹ
Ndaikatúi ja hupive
Chénte pe oĩva!

Pukurasa niko arapyte ára
Añete mba´erei
Ha upéi katu opa rei

Ojojapo ha ojojeka mante
Upéicharamo oñembosarái hikuái
Ha che apukavy´imi

Eheja na
To jeroky gua´u
Opa katuetéma ngo!

Apu´ã saraki
Tata ysyry
Pyahúicha

Akái amaguýpe
Vy´a pave otyky
Tykývo

Che hu´u arapyte
Ojerokýva
Che rendyguýpe

Che poremõi
Tekove guare
Yvypóra ambue ára ave

Amañánte ko
Ha temiaraka´eve
Ojekapaite

Temiapyra´ỹ katu
Yvytimbo
Che pyguýpe

Máva piko che
Aiméva
Ysapy rendýicha

Ajeroky
Teminandi
Ha temira´anga ndive

Aveve
Arapotĩ
Che rehegua

Apopo joa
Arapy
Hapykuéri

Tuicha iterei rasa niko!
Apoko che tupãĩ
Peteĩ teĩ tesa´i´ỹme

Ahapypaite
Arapy
Hyãkuã porãitéva

Ahatatina ára
Rysýi kuéra
Vy´apave potyjera guýpe

Chénte
Ikatu aĩ
Upéicha ha´e añete

Aipotãro
Osoropaitéta
Opa mba´e oĩva

Hovere arã ára
Okáine mbyjamýi
Entéro oĩva opáta

Che pype opáta
Che pýpe opáta
Ha upépe opytáta

Chénte aĩ
Péva ha upévante
Arandu

Ara´ỹme
Che
Aikuaa

Ha marã piko
Ko´ã yvypóra?
Ko´ã mbyjaeta?

A mbo hory
Hese kuéra py!
Ich! E´a!

Che mbo rory
Haguã
Ajapopa

Ha mávapa
Kóva oikuaata?
Chénte ikatu aikuaa!

Chénte arekopa
Péva hina
Temipeteĩha

Ojoajupáva
Ohupytýva
Che pa´ũ mbytépe

Hemby´ỹ
Che temirenyhẽ
Che memete

Javy´ỹ
Hupyty
Pyta

A mba reipa
Ajehecháramo
Opa oĩvape

Hetaite sa´y temiaraka´evégui
Ohatatina che pytúpe
Che ha´e pe añetete!

Purahéi ovevéva
Tupãĩ panambícha
Che memete anga!

Añemombo kua opa´ỹva gui
Vy´apave terei
Che apytépe

Angapy tyjúi kuéra che reka
Ha upepete tendy rysýi opẽ hesekuéra
Ha! Omoambuepáma chehegui

Che, tendy yguasu
Aipyte hína che tyjúi kuéra
Oporo´u marangatúicha

Che niko ha´ekuéra yma jave
Ha ha´ekuéra ko chémante
Pévante añete!

Eíraicha hẽ´ẽ ko aje
Osyry che mbyjaty resay
Aipyhýrõ hesa´i´ỹ kuéra che pokatúgui

Tupãka ñe´ẽ´ỹ
Pu´aka, pu´aka, pu´aka
Ojapóva mbovy sua kaputuichaiteĩ

Heta yguasu kirirĩ
Ovaváva che kuãme
Tesapemíanga!

Che pokatu ko
Tuichaiterei rasa
Jurujái ha ñe´ẽ´ỹ

Poriahuvereko rupi
Aitypei arapyte hangue kuéra
Yvytimbóicha

Amombopa arapute kuéra
Tuguy raguinóicha
Ohóva ytyrã

Peteĩha maymáva
Okañyva
Che sua resaguýpe

Angapy mbyjáicha
Osãimbáva
Apyra´ỹ arapýpe

Che ñandúramo
Che pehengue kuéra
Oguerovia hikuái ambueha chehegui

Oipytéramo che eíra marangatu
Che pehengue kuéra
Oguerovia hikuái ambueha chehegui

Tyjúi ko´ápe ha upépe
Opupy ikoéva
Nomañái angapy yguasu!

Temipeteĩha jeka´ỹháme
Ajapopa che pehengue´i
Ha upepete oñepyrũ sarambi!

Heta ñorãirõguasu rei
Ojapómi hikuái
Che arandu guýpe!

Arapyteeta ipotypáva
Omokõ
Che arandu rendy

Yvytu marangatúicha
Ha´upaite ko´ã ánga
Poriahuvereko ae

Mba´éichapa jaikuaáta
Che meménte
Aĩha?

Yguasu ñe´ãguiga
Che rekaasýnga´u chéve
Ha mávapa che recháta?

Ajupívo apyra´ỹ ru´ãme
Ajoaju che
Resarekógui

Chénte ama´e
Ko jeroky mimbi
Vy´apave henyhẽva

Che ndivénte ajeroky
Atytýi ha aryrýi
Opererẽ che rete

Mba´epu porã ysyry ohóva
Ojoaty yguasu sa´y ndive
Ha che mo mba´e guasu hetéva

Che ha chénte aime ko´ápe
Amañávo ko´ãre
Ha apukavy

Rekopaha ha javy´ỹha
Ndaipotái mba´eve
Ame´ékatu entéro mba´e

Che aénte ikatu jatopa javy´ỹ
Amokõ kuaa rupi tee´ỹ
Che rendýgui

Aichejáranga!
Hakate´ỹeterei ningo
Pehengue´i ijehekuéra!

Hesarái rupi
Che tupãĩpemante ikatuha jajuhu
Py´a guapy

Ko tesareko sapy´a
Otytýi
Arysuaeta omuñamive ramo

Ára osyry
Arapute otimbo
Arapyte okapu

Arapute ovevévo
Che rapykuéri
Ñati´ũicha

Ára ha arapy
Naikotev ẽi
Amombo potaitéma!

Entéro ta´anga opa oĩva
Ijao porãitéva
Ko´ã ko yvytimbomínte

Che temimaña guýpe
Hikuái oĩva
Ko´ã ko yvytimbomínte

Tuicha apu´ã arapýpe
Amomboparei mbyjamýi kuéra
Ko´ã ko yvytimbomínte

Mba´e piko chéve
Ojekáramo mbyjaty kuéra?
Ko´ã ko yvytimbomínte

Michĩmi tesa´i´ỹ
Térã arapyte ojojogua hikuái
Ko´ã ko yvytimbomínte

Ehejána yvypóra toñehundi
Che temimaña guýpe
Ko´ã ko yvytimbomínte

Che niko entéro mba´e
Javy´ỹrasa
Añetete

Ambue´ỹ
Apyra´ỹ gui
Ta´anga vevuivéva ári

Mbovy´ỹ ko´ãpe ha ko´ãnga
Che remijavy´ỹ ndorekói ky´a
Che niko potĩ´ã!

Mávapa che joguaha?
Avevévo ára tupãrandu guigua
Amokõvo tupãĩ tembi´u hetéicha

Che ha chénte
Ha opa
Araka´eve

Maramove nda´ái ko marangatúgui
Javy´ỹ, ara´ỹ vy´a pave
Mba´e guasu guasuetéva!

Oiméne ngo ajavými
Aimo´ã rupi che remimarangatu
Ambuéicha

Nangána!
Che niko aime
Araka´eve pa´ũme

Marangatu ñeĩ
Eirete araka´eve
Peteĩha tayhu

Tayhu vaicha arandu
Aranduhára ári
Ñe´ẽ nahendu
Mo´ãi ko yvy ape ári

Tayhu vaicha angapy
Pe marave´ỹ
Jaipyte ypy
Oĩ rãe mba´e´ỹ

Tayhu vaicha pu´aka
Pokatu haimetete apoi
Oñehundihaguã ha ojeka
Entéro mba´e voi

Tayhu vaicha tesareko
Hakembo ha tuka´ẽ
Ñande arapytégui oiko
Araka´eve he´ẽ

Tayhu vaicha py´apyta
Py´aguapy rypy´aite
Ndaikatúi ña ne angata
Ñorairõ opapaite

Tayhu vaicha vy´a pave
Toryasy ha jerovia che retũmba
Ñaiméramo javy´ỹ jave
Ñe´ã marangatu ijatypa

Tayhu vaicha potĩ´ã
Arekóvo entero mba´e
Ta´angami niko che ã
Poriahuvereko rupi ame´e

Tayhu vaicha che ra´anga
Che niko opa mba´e
Tupãrandúgui ajapo anga
Ha ipohã haguã ñembo´e

Tayhu vaicha tayhu
Hetave su sy ñe´ã potĩ´ãgui
Ha yvateve ru pyahu
Mborayhu ita´ýrare gui

Tayhu vaicha mba´eve
Peteínte, javy´ỹ
Ñe´ã imarangatuve
Arapytégui, marave´ỹ

Tayhu vaicha arandu
Heta mba´e ikatu oñandu
Umíva che ñe´ẽ ohendu
Añete ojuhu araka´eve andu!

Tayhu vaicha angapy
Oĩme rãe arapy
Cherõ guarã upy
Amoingéva tataypy

Tayhu vaicha pu´aka
Imbarete hína che apyka
Umíva nga´u che reka
Che ndive ikatu opuka

Tayhu vaicha tesareko
Añete umi che ñei opoko
Ha upéi, ikatuháicha ojoko
Ha´ekuérante mano´ỹ oiko

Tayhu vaicha py´apyta
Hatã che korasõ rata
Ohapýva che tyvyta
Amañáramo yvypóra heta

Tayhu vaicha vy´a pave
Tory ndopamo´ãi, oĩve, oĩve
Ñaiméramo javy´ỹ jave
Jaha ñañeha´ãmive

Tayhu vaicha potĩ´ã
Ta´angami niko che ã
Ha´ekuéra ningo oimo´ã
Ndoikotevéi ñeha´ã

Tayhu vaicha che ra´anga
Chemantevoi pe iru´anga
Chemantevoi pe isy´anga
Chemantevoi aiméanga

Tayhu vaicha tayhu
Hasyeterei jajuhu
Maramove hi´ã ojehu
Marangatúgui jejuhu!

Tayhu vaicha mba´eve
Angapýpe marave
Ndaikatúi oipotave
Ko araka´eve!

Aveve arapy ha yvága gotyo
Ambo´ývo
Apyra´ỹ

Vy´a pave
Oĩva mbyjamýi kuérape
Nda che jopy mo´ái

Tayhúpente
Oĩva añete
Che vy´a

Tayhúre
Añete
Che recha kuaáta

Jeroky paje
Osambyhypa
Mbyja ha tesa´i´ỹ

Tendy mbarete
Osãiva
Opa arapýpe

Entéro mba´e ko che
Marangatu karaku
Tayhu potĩ´ã

Pe añete eirete
Ohapypaite
Marangatuhára ñe´ãme

Che, henyhẽtéva
Ambyrýi pu porãiterei
Hesape hatãitéva

Che mborayhu aénte
Ko´ã ikatu ojehu
Che mborayhu aénte ikatu che kuaa

Ndaha´éirõ upéicha
Marãve´ỹpe mante
Peikóta

Teminandi
Mbytépe
Mante

Ejuka katu ãnga
Araka´evére
Mbarete!

Eheja
Ta´anga kuéra tokapu
Che pyendápe!

Arapyteeta oĩva
Oñehundi
Che resareko guýpe

Ha amañahatãrõ
Okapuparei
Ta´anga kuéra

Ahejarei katu
Arapute tyky tyky jerokyhápe
Ha´ekuéra nda che kuaamo´ãi!

Che karakumi rupi
Oĩ jave
Ára ha arapy

Aiporuka jepe che angapy
Añembohory haguã hesekuéra
Ha´ekuéra ningo che!

Ahejáne toiko hikuái
Michimĩ
Upéinte ahapypáta

Ta´anga japu!
Reikuaáramo gua´u
Re ñe´e!

Yvytimbo oikotevẽva
Tovajepete
Poriahuvereko ave

Ha pe yvytu!
Ome´éne jevy
Ijao araka´eve guigua

Ko´ã yvyra rekorei
Ajapora´e che mo mba´e guasu haguãnte
Tatapỹicha

Oikuaa haguã meve
Pe marave´ỹ ko´ãngaitépe:
“Chénte ikatu aĩ”

Ko´ã angapy tatapiriri
Oñehundipota
Nda che kuaáiramo

Jurujái
Ko mba´e
Marã´ỹ

Tuichaite
Rei
Ko tembitechauka

Pe ne ararechareíta
Ha pemanoreíta
Maerã piko

Ikaigueterei niko
Umi ta´anga
Mbyesarai

Arapute tembijehu
Ha temimbombe´u
Oñarõ pytũmbýpe

Umíva niko
Tarave´ínte
Otyryrýva

Tupãnguéra
Oipotanga´u pokatu niko
Mberu inéva

Poriahuvereko guive
Aheja kóva
Toiko

Che aime
Gotyove
Ko´ápe ha ko´ãnga

Ikatu che kuaa
Remano
Rire

Péva ko peteĩ japu
Ajapókuri
Pe ne kyhyje haguã!

Ikatu che recha uvei
Heta ñeha´ã
Rire

Arandu rendy potyjerápe
Marangatu ra´anga resapépe
Tupãrandu itaendype nga´u!

Ha oĩ avei umíva
Nda che kuaa mo´ãi
Araka´eve

Maramove
Che
Recháta

Ha marã piko
Entero mba´e ngo tee´ỹ
Chénte niko añeteha

Ndaipóri iche´ỹva
Pévante
Añetete

Chénte
Niko
Ha´e

Ndaipóri
Mayma
Ambue

Chénte amyenyhẽ
Che pehengue kuéra
Ysyry

Ambyatypa joa
Opa ára
Ko´ãngaite

Che ha chénte aĩ
Henyhẽtéva
Añete ha javy´ỹ


Nda chéiramo
Ndaikatúi jaikuaa
Che tuichaha

Chénte aĩ
Chémante ikatu
Oĩ!

Ndaipóri arandu ambue!
Che ha chénte!
Araka´eve!

Ahechauka reipa che añeteha
Umi itee´ỹva
Okakuaa joávape

Opa ta´anga oĩva
Ojerokyrei
Ijapúmante va´erã

Che jurujái añete
Ajehecháramo
Techakuaa´ỹme

Opa mba´e
Che
Chénte

Ikatu´ỹ
Ha´e
Ambue chégui

Añeha´ãrõ upéva
Oikóne
Ta´anga pyahu

Upévare ajaporaka´e tee´ỹva
Aimo´ã haguã
Ambuéicha

Ajehecha haguã
Ambue
Tesarekógui

Hákatu oĩanga
Ta´anga kuéra hesaráiva
Ko tembiesarái

Ha oñembohetárõ
Sua pehenguévo
Ohechakuaa arã che añónte ikatu aĩ

Che
Araka´eve
Upéva hína arandu

Upéva hína
Marangatu hẽ´ẽte
Rovasa

Ndaikatúi
Che joko
Aimereipa guive

Mo´ã´ỹ ha ñe´ẽ´ỹ
Hákatu
Ko´apeite che apytépe

Oikomante
Voi
Che rembipota

Javy´ỹ
Jepe
Javy´ỹ

Che rembipota
Ombotyrei
Opa mba´e

Ha osoropaite
Entéro oĩva araka´evépe
Marangatu puakágui

Hesape rasa osãivo
Resareko omokõva resarekógui
Marangatu rembiapo!

Entéro arapy
Peteĩ che
Yvyku´i mbytépe

Temiaraka´eve
Che resa
Guýpe

Ha che pytuhẽ
Guigua
Opa ta´anga oĩva

Arapute guataha
Amañambaite
Che kuãpúpe

Arapyte oĩ tesa´i´ỹ mbytépe
Upéicha che mirĩ
Upéicha che mba´e michĩ

Ha tesa´i´ỹ pype osãivo arapyteeta
Che tuicha!
Poriahuvereko guasu ko che!

Henyhẽ rasa
Oĩri temimichĩme térã
Tembituichápe

Akakuaávo che karaku guive
Ambokapupa pya´eterei
Ha aheja nandi

Entéro mbytépe
Añehundi añeteguýpe
Kóva ningo che resapepa!

Pypukuete piko che
Vy´a pave
Hatã rasa ko´ãnga!

Ajépa? Ko´ãnga!
Ha marovete!
Ha marovete!

Aime kuaa rupi
Opa mba´e oĩva
Araka´eve

Upévarehe
Ndaipóri ambue
Che hegui

Oñadu meme
Ijehe
Ko´ãngaite!

Ajépa?
Ko´ãnga añete
Ko´ãngaite!

Marave´ỹ araka´eve
Hayhu omomba´e guasúva
Chénte aime joa apyra´ỹme

Ajehovasa tarovaite
Añohẽ rei che pokatu
Ajeheka che jupe

Aikuaapa ningo opa mba´e
Ndaipóri ipyahúva chéve
Arekopa niko!

Chénte
Aime
Che ryepýpe

Arandu ipypukúva
Temimarave´ỹ ohupipa yvytu
Oguerekóva peteĩ ñe´ẽnte

Che
Chénte
Ambue´ỹ

Opa oĩmante che pýpe
Ha aĩme opárupi
Entéro mba´e araka´eve

Peteĩ, pya´e
Javy´ỹ, pyta
Opa mba´e mbytépe

Che pehengue kuéra
Oveve yvytu ndive
Ha oñeno che pyendápe

Tee´ỹ ojeroky mba´e ne porãva
Opytapaite katu
Angapy okapu rire

Chénte
Ha´e
Py´aguapy opa´ỹva

Arapy ojerokývo
Ra´anga kuéra ndive
Py´aguapy opa´ỹva

Ára ysyry
Che mo akãjere mimi
Py´aguapy opa´ỹva

Heta mbyja
Ohóva che pyenda gotyo
Py´aguapy opa´ỹva

Ajapopa araka´eve
Ahundipa jey ko´ãnga
Py´aguapy opa´ỹva

Ipypuku che tupãrandu
Ijyvatete che rembipota
Py´aguapy opa´ỹva

Javy´ỹ
Peteĩnte
Py´aguapy opa´ỹva

Akakuaa hína ambuépe
Heta rasa
Py´aguapy opa´ỹva

Añetehápe
Peteĩnte
Py´aguapy opa´ỹva

Aĩrõ opárupi
Ndaipotái mba´eve
Py´aguapy opa´ỹva

Ame´embarei jepe
Arekóva opa mba´e
Py´aguapy opa´ỹva

Arandu hẽ´ẽtéva
Osyrývo ysyry satĩme
Py´aguapy opa´ỹva

Ñe´ã ho´úva
Ñe´ãeta
Py´aguapy opa´ỹva

Py´apyta ne ratãva
Ambogue ñorairõguasu kuéra
Py´aguapy opa´ỹva

Mayma niko che
Upévare ndaipóri ñorairõ
Py´aguapy opa´ỹva

Py´aguapyeterei
Akaru py´apyta ndive
Py´aguapy opa´ỹva

Arapyteeta ojerokývo
Hesape rasa omimbipáva
Otytyieterei che apytépe

Sua tembiapo ha temihundi
Otyjúi che angapýpe
Ndoñepyrũi, ndopái

Aguata vy´a pave ñu kuérape
Ha heta renda javy´ỹme
Akañymba

Añehundi vy´a ysyrýgui
Ajoaju peteĩ teĩ tesa´i´ỹ ndive
Itaendy rory apytáma

Asãi marangatu potyjeráicha
Aveverei yvytu rendýpe
Arapy iñakãnundúva gotyo

Akakuaa tenyhẽte
Nasẽi che jehegui
Che jeka´ỹ marangatu gui

Ateñói ñe´ã potĩ´ãme
Ysyry asuka itajúicha
Y rory rasa

Yvoty okýva
Arandu apytu´ũme
Heta tembiapo porã hyãkuãta

Ñe´ã ikyra kyráva
Vy´a pave gui
Tory ave gui

Imbarete korócho
Angapy resareko
Oguata pya´éva

Araka´eve
To veve
To vy´a vy´ave

Che ae
Enterove
Oikove

Ára
Ha arapy oĩ
Che aénte!

Sua tyjúi ipotĩ´ãma
Amyakỹmbáma
Araka´eve pype okakuaáma

Amokõpa mba´e guasu jave
Heterei
Heterei

Ahupipa ánga
Tembiapo porã sa´ýre
Ha oñemboguereipa mborayhu pýpe

Mborayhu ha mborayhúnte
Ombokapupáva itee´ỹva
Omyambuéva eíragui

Marave´ỹ oĩva marave´ỹ hapykuépe
Iñua´ỹva
Tayhu ae gui

Opa opavavépe
Opa´ỹha sãi
Kakuaa marangatu

Asãivo che pype
Aryryijoa
Saraki

Nandihápe ajapopa
Apyra´ỹ ndaikatúi opa
Ára ári aguatapa

Mayma karaku
Peteĩ añete
Opa oĩva

Che michĩve
Pe
Imichĩvéva gui

Michĩ
Eterei
Rasa

Angapy
Pehengue´i
Oñeañuáva arapýpe

Heta tesa´i´ỹ
Ojerokýva
Oñembo´ýva ha oñehundíva

Tekove niko
Che
Rembiapo

Ndaikotẽvéiramo
Ajapo
Katu

Hákatu che rekove ko
Pe sãi ndaikatúi
Ja joko

Chérõ guãrã
Aikove
Tekovégui

Manohápe aime
Jepe
Apukavy

Ha akakuaa
Rasa
Ajehapypaite tovasápe

Tuicha
Iterei
Rasa

Che tuichave
Pe
Ituichavéva gui

Mbyjaty guasu kuéra
Oñembo mbyaty rei
Che kuã ru´ãme

Opopo hikuái
Che resareko
Guýpe

Tekove mbarete!
Oñembo´ýva
Tesa´i´ỹ guive

Ha tekove!
Jeroky
Jurujái

Ñepyrũ mboyve
Paha peve…
Che ñe´ã operere araka´eve…!

Arapute
Okakuaáva
Yvyráicha hyãkuã porãva

Potyjera heta!
Yvoty ndopamo´ãi!
Che apytu´ũme ojere jere

Ahecha
Pe jere
Oñepyrũva tesa´i´ỹ ndive

Ha apuka
Opaha ára jave
Okapúvanga mbyjami

Che ajapopa!
Mano´ỹ apyka
Guive

Avave ndache kuaái
Hákatu mayma che recháva
Kuarahýicha

Tendy ku´i ojehecháva
Ha jurujáipe ojoehe oñomañáva
Chénte che jupe okehecha!

Ndaipóri ambue
Péichamante voi
Péichamante voi

Chénte
Ajehechakuaa
Che jehe

Che resareko itaendýre
Sua mbyjaty jeroky ojehecháva
Che ryepýpe

Che tuicha
Ha che michĩ
Añete aporo poriahuvereko!

Opa mba´e ajapóva
Oguata porã ohóva
Tendy ha pytũ orekóva

Che pokatúgui ajapopa
Tupakã añete oñembo´ypa
Tayhu ae jave jahechapa

Angapy yguasu gui
Oiko hese arai porã
Hesape satĩ rasa

Tayhu oiko
Añete niko
Ko che areko

Ame´eseterei maymávape
Che pehengue´i kuéra
Oñorairõva che rehe

Tayhu marangatu!
Jeka´ỹ rape
Apyra´ỹme

Tupãka po´a
Arapyte
Yvoty

Arapute rupi´a
Mborayhu
Opupúva

Tata guasu omokõva mbyjamýi
Oñesũmante va´erã
Mburuvicha pyendápe

Tupãka tayhu!
Tupã aje!
Ohovasáva mayma!

Peteĩ iteéva
Añetepaite
Peteĩ ningo che

Pe ipeteĩhápe
Oĩ gueteri
Che ha che araka´evépe!

Ha pe su kuéra
Che´úva tavyhápe
Añembohory katu hesekuéra

Che rerovia hikuái
Ha ndoikuaái
Chénte aimẽ ipype

Ha´ekuéra niko che!
Araka
Eve

Mayma
Che´ỹrõ
Maramove!

Máva
Che´ỹrõ
Maramove!

Mayma ha´ekuéra niko che!
Amyenyhẽ arapy
Amyakỹmba ára

Mayma ha´ekuéra niko che!
Eíra ysyry oñohẽva
Kũ y´uhéi yguasúpe

Mayma ha´ekuéra niko che!
Añesũ javy´ỹ mbytépe
Aheja oike che ryepýpe mborayhu

Mayma ha´ekuéra niko che!
Ndaipóri ambue
Araka´eve ojoaju

Mayma ha´ekuéra niko che!
Javy´ỹ, potĩ´ã rasa
Ndaipóri mokõiha!

Mayma ha´ekuéra niko che!
Avave che rire noĩri
Araka´eve

Araka´e
Ve
Te

Tayhúnte
Pévante
Péva katu

Tayhu añete
Ñane moingovete
Marangatuete

Tayhu añete
Pévante
Peteĩnte

Tayhu añete
Iporãite
Ara´ỹete!

Tayhu ave
Hese jahamive
Ha ñañeha´ãve!

Tayhu marangatu
Mba´e porãva karaku
Hẽ´ẽtéva ipu

Araka´eve tenondete
Ko´apete
Potyjera oipe´a ko´ãngaite

Opukavy ha oha´ãrõ
Opaha ára
Mbyjamýi okapupa rire

Amaña hína ñepyrũ
Guive
Opa oĩva mboyve

Meme che mbytepemi
Meme che mbytepemi
Meme che mbytepemi

Che rovasa araka´eve!
Tendy ku´i ojupíne
Ñepyrũ ryepýpe

Che rovasa araka´eve!
Vy´a pave marave´ỹ
Okakuaáva che yvyrágui

Che rovasa araka´eve!
Mayma oĩva omano rei
Che mo mba´e guasu jave

Che rovasa araka´eve!
Aisambyhy kuaa
Che rembiapo

Che rovasa araka´eve!
Che marangatuete piko
Potĩ´ã ñe´ãme

Che rovasa araka´eve!
Che apytépente
Oĩ entéro ñe´ẽ

Che rovasa araka´eve!
Arapyteeta oho ohove
Tovasa hesape hesapeve…!

Che ningo peteĩ ha mayma
Potĩ´ã ha javy´ỹ
Ky´a ha sarambi avei

Che rovakuéra
Heñói tepotípe
Ikatu haguã che pyahu

Che kakuaa iguatáva
Pya´eterei aháva
Ambuesaraipáva

Avave ndoikuaái marave´ỹ
Ha avave ndoikuaa mo´ãi
Ha opa upépe!

Che katu che marave´ỹha
Mávapa che kuaáta?
Péva che joguaiténte

Chénte!
Chénte!
Chénte!

Ára porãite guýpe
Tuicha añete iñua´ỹme
Hesapepu satĩ oikóma

Ahecháramo mbyjámi
Ipotyjeráma arapýpe
Che jopypa tory

Opávave niko peteĩha
Tayhu rata ohapypáva
Oñepyrũ jeýma che rekove

Ñemihámente ja hecha kuaa kóva
Oĩrõ jepe
Ko´ápe ha pépe

Otytýi, osapukái
Ipy´a tarova ko
Vy´a pave

Che angapy!
Chénte aikuaa
Chupe

Che añomínte
Peteĩha
Mayma

Che añomínte
Ahechakuaa sua angapy kuéra
Oryryipáva che apytépe

Che añomínte
Amañakuaa apyra´ỹ saraki
Potĩ´ãme

Che añomínte
Che rory arekóvo
Hetaite ahayhu ha che rayhúva

Che añomínte
Avy´a che pehengue mborayhúre
Ajehayhu heta añete

Che añomínte
Aiko ha amano peteĩteĩ ndive
Vy´a pavépe

Che añomínte
Ame´emba ha nda pokói mba´evére
Aĩ hatã jepe

Che ko peteĩha!
Sa´y oñeñohẽva ysyry rendýpe
Apyra´ỹháme

Che ko peteĩha!
Mbyja akãrangue ohesapepávo
Ha mbyjaty rendy ipu sarakíva

Che ko peteĩha!
Tesa´i´ỹme, maymávape
Ha suáre araka´eve

Che ko peteĩha!
Mborayhu ohekuavo arysua akãhatãme
Opaha ára entéro oikuaáta mávapa che

Che ko peteĩha!
Mayma che kuaáva, ndaikatúi ijapu
Añeteha mante he´íta

Che ko peteĩha!
Peteĩ ha opávave oĩ
Maymáva

Che ko maymáva!
Maerã piko che rekáta
Aiméramo ko´apete?

Che ko maymáva!
Naikotevẽi mba´eve
Akakuaa meméva

Che ko maymáva!
Avavéne javy´ỹme
Tasy ha tesãi ndive

Che ko maymáva!
Araka´eve mante ko´ápe
Apyra´ỹ mante ko´ãnga

Che ko maymáva!
Mayma oikuaáta
Mayma ohecháta

Che ko maymáva!
Ndaipóri mba´eve
Che´ỹre

Vy´a pave ysyry henyhẽmba
Ndarekói ñe´ẽ
Ha´e haguã

Jurujái che jehe
Jurujái che rupi
Añesũmbaite

Ahechakuaávo che jehe
Aikuaapáma
Mba´épa che

Mba´émive
Piko ikatu
Ajapo?

Upéi oĩta
Ambue ambuéva
Ojerokýta

Ndaipóri avave!
Mara
Move!

Araka´eve rovasa
Añeno
Hendy imbogue´ỹvape

Ko´ãnga aikuapaite
Ha´e paite!
Ko´ãngaite!

Upévarehe arandu niko
Vyrésanga
Tepotínte

Mávapa oikuaa mba´e?
Añetehápe
Che aĩ opavavépe!

Entéro oĩ che apytépe!
Opa mba´e
Opa mba´e

Ha mba´ére piko
Ja´éta
Noĩri mba´eve?

Javy´ỹ araka´eve
Kirirĩ meme
Chénte aiméta ko´ápe

Chénte aiméta ko´ápe!
Arapyte ha ta´anga kuera
Oveveta yvytimbóicha

Chénte aiméta ko´ápe!
Opavavépe
Enteropýpe

Chénte aiméta ko´ápe!
Arysua ha arysa oñemombóva
Marave´ỹ kuápe

Chénte aiméta ko´ápe!
Peteĩnte
Apyra´ỹme

Chénte aiméta ko´ápe!
Iñambuéramo jepe opa oĩva
Che juhúramo jepe maymáva

Ha akañyjeýne!
Marave´ỹ mborayhúpe…
Vy´a pave joa!

Ndaipóri ambue
Opávave hyku che jehe
Vy´a pave joa!

Mba´e tembiapo térã ñehundi
Aimo´ãne?
Vy´a pave joa!

Che maymávare
Aje hovasa che jupe
Vy´a pave joa!

Tove to hecha
Che araka´eveha
Vy´a pave joa!

Naikotevẽi marandu
Térã jejuhu
Térã tekove

Che voi che resaráita!
Cha voi ajehayhuta!
Tayhu ha tayhu araka´eve…!

Tayhu oĩva
Arapyte omimbíva
Apyra´ỹ umíva

Araka
Evete
Che ndive

Che ndive
Hyjúi meme
Arapute oñembo´ýva ha oñehundíva

Che ndive
Arapyte ojeroky
Opa´ỹme

Che ndive
Ha che apytetépe
Mayma oĩ

Che ndive
Tekove opo
Ko´ẽju pyahúicha

Che ndive
Arysua osyryrei
Ysyrýicha

Che ndive
Ha araka´eve
Che ndive…

Che ryepýpe
Vy´a pave ysyry kuéra
Oñe´ẽ piguy

Ha che ñe´ãme otytýi
Heta mbyjaty
Ne mbaretéva

Ajogapóta ko´ã
Arapyte
Mbytépe

Aveve ánga ysyry ndive
Oĩva apytu´ũ marangatu
Pýpe

Osãi
Apyra´ỹme
Osãiva

Che temisãi
Osãi heta temisãipe
Peteĩteĩ osãijoa hikuái

Che resakã mbarete!
Ojoajúvo arapyteeta
Sapy´aite

Che niko pe
Apyra´ỹ
Temisãi

Resareko oipe´áva
Ipotykuru
Apyra´ỹme

Ahecha ko arapyte ituicháva
Ha ojogua peteĩ muã´i
Pytũmbýpe

Peteĩ tata
Pirirínte
Che apyra´ỹme

Arapute ikyre´ỹetereíva niko
Hesape´i mimi che kuãme
Che hína añete!

Che apytépe oĩ añete
Che mbytépe
Che ha´e mayma!

Peteĩteĩ tyky
Ánga yguasúpe
Oñomba reipaite

Hasẽ, opuka, ha ojapouka hetave tyky
Ha ko tykykuéra ojapove tykyeta
Peteĩteĩ hikuái niko che!

Jajeroky apyra´ỹme
Rokañymba vy´a pavépe
Che angapýpe

Ha´ekuéra oikuaa che recháramo
Ha aporohecha oikuaáne
Iporãiterei!

Ndaguejýi
Ndojupíri
Ñaime ko´ápe ha ko´ãnga

Maymáva niko che
Che niko maymáva
Peteĩnte araka´eve!

Aisambyhy porã ko arapyte
Ojapo porã entéro mba´e
Peteĩnte araka´eve!

Ame´ẽ che jupe
Che juhu horyete
Peteĩnte araka´eve!

Peteĩhánte jo´a´ỹvo
Hetaite pehengue ojehecha kuaáva
Peteĩnte araka´eve!

Aimembaite arapýpe
Ipytuhẽ che yvytúre
Peteĩnte araka´eve!

Ánga yguasu henyhẽva
Tyjúi ojupíva marave´ỹme
Peteĩnte araka´eve!

Ndaikatúi aipota mba´eve
Omboty mboty hembipota
Peteĩnte araka´eve!

Che rasy, rory, angapy
Ovy´a, hasy, angapy
Peteĩnte araka´eve!

Che aime nandi
Ohupytyparei hikuái
Peteĩnte araka´eve!

Nandieterei
Hupytypa reirasa
Peteĩnte araka´eve!

Ko´ápe ha ko´ãnga
Amove, amove
Peteĩnte araka´eve!

Peteĩnte araka´eve!
Peteĩnte araka´eve!
Peteĩnte araka´eve…!

Ndaiporivéima tenda amaña haguã
Che rapykuéri tembinandi
Oñesũvo oñehundi

Che angapy tupãĩ
Opoko poko arapy
Iñakãnunduetéva

Apy´amongetávo
Che tuichaha
Aipytuhẽ…

Arapyteeta ha mbyjamýieta niko
Mba´eve chéve
Yvytimbónte

Namañái etéanga
Araka´eve
Jeroky

Mbyjaty poty
Ha hyãkuã porã arysua
Amombomi

Apytáne
Ko´ápe ha ko´ãnga
Ambokapúne apyra´ỹ itaendy

Taguapymi
Araka´eve renondépe
Araka´evete!

Asoropaite marave´ỹ
Ajorapa vy´apave
Araka´evete!

Sãso sãsógui
Sã´ỹ sã´ỹgui
Araka´evete!

Peteĩ, che año tupãĩme
Peteĩnte
Araka´evete!

Nde
Che
Peteĩnte araka´evete!

Mayma
Che
Peteĩnte araka´evete!

Che
Che
Peteĩnte araka´evete!

Peteĩnte araka´evete!
Peteĩnte araka´evete!
Peteĩnte araka´evete!

Araka´evete!
Araka´evete!
Araka´evete!

Araka´evete!





















Glosario

Angapy: Consciencia
Araka´eve: Siempre, eternidad
Arapy: Espacio
Arapyte: Universo
Arapute: Cosmos
Ary: Año
Arysa: Siglo
Arysu: Milenio
Arysua: Eón
Itaendy: Cristal
Teraykegua: Adjetivo
Pupy: Pensamiento
Potĩ´ã: Pureza
Py´ajoja: Meditación
Kaputuichaiteĩ: Big bang
Mbyjamýi: Planeta
Mbyjaty: Galaxia
Tesakãhára: Iluminado
Tupãrandu: Omnisciencia
Tupãka: Omnipotencia
Tupãĩ: Omnipresencia
Tesa´i´ỹ: Átomo

No hay comentarios: